பாடப்புத்தகங்களுக்கு கட்டணம்; அதிர்ச்சியில் பள்ளி மாணவர்கள்!

பாடப்புத்தகங்களுக்கு கட்டணம்; அதிர்ச்சியில் பள்ளி மாணவர்கள்!

அரசு பாடப்புத்தகங்களுக்கு கட்டணம் என்ற தகவலை கேட்டு பள்ளி மாணவர்கள் அதிர்ச்சியில் உறைந்துபோய் உள்ளனர்.

விழுப்புரம் மாவட்டம் விக்கிரவாண்டி வட்டம் கானை ஒன்றியம் நல்லாபாளையம் அமைந்துள்ள ஊராட்சி ஒன்றிய தொடக்கப்பள்ளியில் தலைமை ஆசிரியராக பணிபுரிபவர் சின்னத்தம்பி.

இங்கு 1ம் வகுப்பு முதல் 8ம் வகுப்பு வரை 187 மாணவ செல்வங்கள் பயின்று வருகின்றனர். தமிழக அரசு சார்பில் மாணவர்களுக்கு வழங்கப்படும் நோட்டு புத்தகங்கள், எழுதுகோல், பொருட்கள் புத்தகப்பை, உள்ளிட்ட விலையில்லா பொருட்களுக்கு தலைமையாசிரியர் சின்னத்தம்பி தனியாக ஒவ்வொரு பொருட்களுக்கு ஏற்றார்போல் மாணவர்களிடையே பணம் பெற்றுக்கொள்வதாக புகார் எழுந்துள்ளது.இதுகுறித்து மாணவர்கள் பெற்றோரிடம் கூறியுள்ளனர். இதனால் அதிர்ச்சி அடைந்த பெற்றோர் உடனே நல்லாபாளையம் ஊராட்சி மன்ற தலைவர் நித்யா கதிரவனிடம் கூறி முறையிட்டுள்ளனர்.தகவல் அறிந்த நல்லாபாளையம் ஊராட்சி மன்ற தலைவர் நித்யா கதிரவன் இதுகுறித்து மாவட்ட கல்வி அலுவலர், மாவட்ட ஆட்சியர் மற்றும் விக்கிரவாண்டி எம்எல்ஏ புகழேந்தி உள்ளிட்ட பலருக்கும் பலமுறை புகார் அளித்தும் இதுகுறித்து எந்த நடவடிக்கையும் எடுக்கப்படவில்லை என கூறப்படுகிறது.

இதையடுத்து தானே நேரடியாக பள்ளிக்கு சென்று தலைமை ஆசிரியர் பள்ளி நேரங்களில் உறங்குவது, மாணவர்களிடம் பணம் பெறுவது உள்ளிட்ட செயல்களை தனது மொபைல் போனில் வீடியோ எடுத்து, ஊராட்சி மன்ற தலைவர் சமூக வலைதளத்தில் பகிர்ந்துள்ளார். தற்போது, இந்த வீடியோ இணைய தளத்தில் வைரலாகி வருகிறது.