Bolero: விரைவில் வெளியாகவுள்ள மஹிந்திரா பொலேரோ கேம்பிங் கார்! - TAMIL BOOKS FREE PDF

tamil books and story reading portal

Post Top Ad

Saturday, March 5, 2022

Bolero: விரைவில் வெளியாகவுள்ள மஹிந்திரா பொலேரோ கேம்பிங் கார்!

இந்தியாவில் புதுவித முயற்சியாக கேம்பிங் செல்ல வசதியான அமைப்போடு பொலேரோ கார் ஒன்றை மஹிந்திரா நிறுவனம் வெளியிடவுள்ளது. இதன் முழு விவரம் உள்ளே.
இந்தியாவில் குடும்பத்துடன் இன்பசுற்றுலா செல்ல எதுவாக கேம்பிங் கார் ஒன்றை மஹிந்திரா நிறுவனம் வெளியிடவுள்ளது. மேற்குநாடுகளில் சுற்றுலா செல்ல வசதியாக சமையலறை, கழிப்பறை, குளியலறை, டைனிங், படுக்கை அறை போன்ற வீட்டில் உள்ள அனைத்து வசதிகளையும் கொண்ட கேம்பிங் கார்கள் மிகவும் பிரபலம்.
இந்த வகை கார் ஒன்றை மஹிந்திரா நிறுவனம் அறிமுகம் செய்யவுள்ளது. இதற்காக அதன் பிரபல பொலேரோ காரை
Campervan Factory என்கிற IIT மெட்ராஸ் சேர்ந்த ஒரு நிறுவனத்துடன் கைகோர்த்து இந்த வகை கேரவன் அதன் பொலேரோ காருடன் இணைத்து விற்பனை செய்ய திட்டமிட்டுள்ளது.
இந்தியாவில் முதல் நிறுவனமாக மஹிந்திரா நிறுவனம் இந்த கேரவன் செக்மென்ட்டில் நுழைய உள்ளது. மேலும் இந்த கார்களை இந்திய குடும்பங்கள் எதிர்பார்க்கும் பட்ஜெட் விலையிலேயே அறிமுகம் செய்யவும் மஹிந்திரா நிறுவனம் திட்டமிட்டுள்ளது.
இந்த வகை கார்கள் அறிமுகமானால் சுற்றுலாத்துறை பெரும் அளவு வளர்ச்சி அடையும் என்றும் குடும்பங்கள் தங்கள் வீட்டில் இருப்பது போலவே சுற்றுலாவை அனுபவிக்கமுடியும் என்று மஹிந்திரா நிறுவனம் தெரிவித்துள்ளது.

கேரவன் வசதிகள்
இந்த வகை வாகனங்களில் பல சிறப்பான வசதிகள் அறிமுகமாகவுள்ளன. குறிப்பாக ஸ்மார்ட் குடிநீர், சிறந்த பிட்டிங், சிறந்த இன்டீரியர் வசதிகள், டைனிங் போன்ற அம்ஸங்கள் இடம்பெறும். மேலும் எல்லா கேரவன் உள்ளேயும் நான்கு பேர் உறங்கக்கூடிய படுக்கை வசதி, Bio-Toilet, ஷவர் வசதி, சிறிய பிரிட்ஜ், மைக்ரோ ஓவன், ஆப்ஷனாக ஏசி வசதி போன்றவை வரவுள்ளன.

இது குறித்து கருத்து தெரிவித்த மஹிந்திரா நிறுவனம் “இந்த வகை வாகனம் சந்தையில் அறிமுகமானால் சுற்றுலா செல்லும் பயணிகள் மற்றும் குடும்பங்களின் எண்ணிக்கை பல மடங்கு அதிகரிக்கும்.
இதன் மூலம் சுற்றுலா துறை பல மடங்கு வளர்ச்சி அடைவதோடு அட்வென்ச்சர் பிரியர்கள் பலர் இந்த வகை அட்வென்ச்சரை அனுபவிக்கவும் ஒரு சிறந்த வாய்ப்பாக அமையும்” என்று தெரிவித்துள்ளது.
மேலும் சுற்றுலா பயணிகள் இந்த வகை வாகனங்கள் மூலம் செல்லாத இடத்திற்கு செல்வது மட்டுமல்லாமல் அங்கு தங்கவும் முடியும் என்று மஹிந்திரா நிறுவனம் தெரிவித்துள்ளது.
இந்த வகை கார்களை ஓட்ட தனியாக லைசன்ஸ் எதுவும் தேவையில்லை என்றும் இவை விற்பனை மட்டுமல்லாமல் இந்த வகை கார்கள் சுற்றுலா ஆபரேட்டர்கள் மூலம் மக்களுக்கு வாடகைக்கும் கிடைக்கும்.

No comments:

Post a Comment

Post Top Ad