இந்தியாவில் இன்று முதல் கிரிப்டோகரன்சி இலாபத்தின் மீதான வரிச் சட்டமானது அமலுக்கு வருகிறது. மேலும் இச்சட்டத்திற்கு இணங்கத் தவறினால் 7 வருட சிறை தண்டனை உறுதி எனவும் அறிவிக்கப்படுள்ளது.
பிப்ரவரி 2022 இல் யூனியன் பட்ஜெட் முன்மொழியப்பட்ட நாடாளுமன்றத்தில் நிறைவேற்றப்பட்ட கிரிப்டோ சட்டங்கள் இன்று முதல் நடைமுறைக்கு வருவதால், இந்தியாவில் கிரிப்டோ மூலம் பெறும் லாபம் இன்று முதல் வரி விதிக்களுக்கு உட்படும்.
மேலும் ‘விரிச்சுவல் (அ) மெய்நிகர் டிஜிட்டல் சொத்துக்களை’ இந்தியாவின் கிரிப்டோ வரி வரம்புக்குள் கொண்டு வருகிறது. ஆனால் இதுவரை நாம் அறிந்தது என்னவென்றால், இன்று ஏப்ரல் 1 முதல், இந்தியாவில் கிரிப்டோ வர்த்தகம் மூலம் கிடைக்கும் லாபத்திலிருந்து 30 சதவீத வரி கழிக்கப்படும்.
ஆனால் ஒவ்வொரு கிரிப்டோ பரிவர்த்தனைக்கும் 1% டிடிஎஸ் வரியும் இன்று முதல் நடைமுறையில் உள்ளது எனவும் மற்றும் இணங்கத் தவறினால், முதலீட்டாளர்கள் அதிக சிக்கலில் சிக்கலாம் எனவும் கூறப்படுகிறது.
அதுமட்டுமின்றி இந்தியாவின் புதிய கிரிப்டோ சட்டங்களை மீறுபவர்கள் கடுமையான சட்ட சிக்கலில் சிக்கக்கூடும் அதிலும் குறிப்பாக கிரிப்டோ சட்டங்களை மீறுபவர்கள் ஏழு ஆண்டுகள் வரை சிறை தண்டனையும் அனுபவிப்பார்கள் என அறிவிக்கப்பட்டுள்ளது.
"வரி ஏய்ப்பு, ஏய்ப்பின் குறிப்பிட்ட தன்மையைப் பொறுத்து, ஆறு மாதங்கள் முதல் ஏழு ஆண்டுகள் வரை சிறைத்தண்டனையும் மற்றும் வரி ஏய்ப்புத் தொகை அதிகமாக இருந்தால் அபராதம் விதிக்கப்படலாம் என ஏசியன் ஸ்கூல் ஆஃப் சைபர் லாஸ் (ஏஎஸ்சிஎல்) இயக்குநரும் இணை நிறுவனருமான டெபாசிஸ் நாயக் (Debasis Nayak) கேஜெட்ஸ் 360 (Gadgets 360) செய்தி ஊடகத்திடம் கூறியுள்ளார்.
மேலும் குற்றத்தின் தன்மை மற்றும் அளவைப் பொறுத்து, அபராதம் 200 சதவிகிதம் வரை செல்லலாம் என்றும் டெபாசிஸ் நாயக் கூறியுள்ளார்.
இந்திய கிரிப்டோ சமூகத்தின் பல உறுப்பினர்களின் எதிர்ப்புக் குரல்கள் இருந்தபோதிலும், மெய்நிகர் டிஜிட்டல் சொத்துகள் (விடிஏக்கள்) மீதான இந்தியாவின் வரிச் சட்டங்கள் அமலுக்கு வந்துள்ளன என்பது குறிப்பிடத்தக்கது.
ஆராய்ச்சி நிறுவனமான டிரிபிள் ஏ (Triple A) ஆராய்ச்சின்படி ஆசிய துணைக்கண்டத்தில் 100 மில்லியனுக்கும் அதிகமான கிரிப்டோ உரிமையாளர்கள் இருப்பதாகவும் இந்த எண்ணிக்கையானது சுமார் 1.7 பில்லியன் இந்திய மக்கள் தொகையில் 7.3 சதவீதம் ஆகும் எனவும் தெரிவித்துள்ளது.
No comments:
Post a Comment