ஒரு கிலோ துவரம் பருப்பு இவ்வளவு ரூபாயா? ரேஷனில் அதிர்ச்சி!
தமிழகத்தில் ரேஷன் கடைகள் மூலம் பொதுமக்களுக்கு மலிவு விலையிலும், இலவசமாகவும் பொருட்கள் வழங்கப்பட்டு வருகின்றன. இந்த நிலையில், தமிழ்நாடு நுகர்பொருள் வாணிப கழகம் சார்பில் 20 ஆயிரம் டன் துவரம் பருப்புக்கு கடந்த சில வாரங்களுக்கு முன்பு டெண்டர் கோரப்பட்டது. இறுதியில் இந்த டெண்டர் நாமக்கல்லை சேர்ந்த கிறிஸ்டி நிறுவனத்துக்கு ஒதுக்கப்பட்டது.
ஆனால், தற்போது சந்தையில் ஒரு கிலோ ரூ.100க்கு விற்கப்படும் நிலையில் கிறிஸ்டி நிறுவனத்திற்கு ரூ.143க்கு டெண்டர் ஒதுக்கப்பட்டுள்ளதாக அறப்போர் இயக்கம் குற்றஞ்சாட்டியது. அத்துடன் இதனை மறுபரிசீலனை செய்ய வேண்டு என்றும் அறப்போர் இயக்கம் வலியுறுத்தியது.
மேலும், இதன் மூலம் மாநில அரசுக்கு ரூ.100 கோடி வரை இழப்பு ஏற்படக் கூடும் என்றும் எச்சரிக்கை விடுத்தது.
இந்த நிலையில், இதனை ஆய்வு செய்த தமிழக அரசு கிறிஸ்டி நிறுவனத்துக்கு ஒதுக்கப்பட்ட 20 ஆயிரம் டன் துவரம் பருப்பு டெண்டரை ரத்து செய்துள்ள தமிழக அரசு, புதிய டெண்டர் கோரி அறிவிப்பையும் வெளியிடப்பட்டுள்ளது. தமிழக அரசின் இந்த முடிவை அறப்போர் இயக்கம் வரவேற்றுள்ளது.
No comments:
Post a Comment