பள்ளிகள் திறப்பு.. தேதி இதுதான்.. அரசு அறிவிப்பு!

கொரோனா பரவல் காரணமாக உலகம் முழுவதும் பள்ளிகள் மூடப்பட்டுள்ளன. இந்நிலையில், செப்டம்பர் முதல் பள்ளிகள் திறக்கப்படும் என குவைத் அரசு தெரிவித்துள்ளது. இதன்படி, சுமார் 1460 பள்ளிகள் செப்டம்பரில் திறக்கப்படும் என குவைத் கல்வித் துறை அமைச்சகம் அறிவித்துள்ளது.

இதன்படி 855 அரசு பள்ளிகள், 605 தனியார் பள்ளிகள் செப்டம்பர் மாதம் முதல் திறக்கப்படவுள்ளன. இப்பள்ளிகளில் சுமார் 7 லட்சம் மாணவர்கள் படிக்கின்றனர்.

இதில் சில அரபு, இந்திய, பாகிஸ்தானிய, பிலிப்பினோ பள்ளிகளை மீண்டும் திறப்பது மிகப்பெரிய சவாலாக இருக்கும் என கல்வித் துறை அதிகாரிகள் தெரிவித்துள்ளனர். ஏனெனில், இப்பள்ளிகளில் மாணவர் எண்ணிக்கை மிக அதிகம் என கூறப்படுகிறது.

இதுபோக, திறக்கப்படும் பள்ளிகளில் கொரோனா பாதுகாப்பு விதிமுறைகளை கடைப்பிடிக்கும்படி அறிவுறுத்தப்பட்டுள்ளது. பள்ளிகளில் பாதுகாப்பு ஏற்பாடுகளை கண்காணிக்க மேற்பார்வைக் குழுக்களும் அமைக்கப்பட்டுள்ளன.