ரூ. 5 லட்சம் தந்தால் கொரோனா நோயாளியை விடுவிப்போம்: கோவை மருத்துவமனை மிரட்டல்!

ரூ. 5 லட்சம் தந்தால் கொரோனா நோயாளியை விடுவிப்போம்: கோவை மருத்துவமனை மிரட்டல்!

கோவை தொண்டாமுத்தூர் அருகில் உள்ள தென்னமநல்லூர் பகுதியில் வசித்து வருபவர் கவிதா. இவர் கொரோனா தொற்றால் பாதிக்கப்பட்டு கோவையில் எங்கும் ஆக்சிஜன் படுக்கை வசதி கிடைக்காமல் அவதியுற்று இறுதியில் கடந்த 25ஆம் தேதி திருச்சி சாலையில் உள்ள ரிச்மாண்ட் மருத்துவமனையில் சேர்க்கப்பட்டார் சிகிச்சைக்குச் சேர்க்கப்பட்டார்.

இதற்கிடையே கொரோனா தொற்று குணமடைந்து டீச்சார்ஜ் செய்வதற்குத் தனியாக ரூபாய் மூன்றரை லட்சம் கட்ட வேண்டும் என மருத்துவமனை நிர்வாகம் வலியுறுத்தியுள்ளது. இதனால் பதற்றம் அடைந்த உறவினர்கள் அவ்வளவு பணம் எங்களிடம் இல்லை எனக் கூறி வாக்குவாதத்தில் ஈடுபட்டனர்.

இதையடுத்து மருத்துவமனை நிர்வாகம் நீங்கள் மீதமுள்ள பணத்தைக் கட்டிவிட்டு சிகிச்சை பெறுபவரை கூட்டிக்கொண்டு செல்லுங்கள் என

மிரட்டல் விடுத்துள்ளது.

குறிப்பாக இந்தப் பிரச்சினையின்போது மருத்துவமனை நிர்வாகத்தினர், “பணமில்லை என்றால் உங்கள் உறவினர் அனைவரிடமும் தலா ரூ. 10 ஆயிரம் வாங்கி அதைக் கட்டிவிட்டு கவிதாவைக் கூட்டிக் கொண்டு செல்லுங்கள்” எனக் கூறியுள்ளனர்.

இதையடுத்து பாதிக்கப்பட்ட குடும்பத்தார் சுகாதாரத்துறை இயக்குநரிடம் நியாயம் கேட்டுச் சென்றுள்ளனர். புகாரைப் பெற்ற கொரோனா தடுப்பு பிரிவு சிறப்பு அதிகாரி சித்திக் உரிய நடவடிக்கை எடுக்கப்படும் எனத் தெரிவித்துள்ளார்.

கோவையில் தொடர்ந்து தனியார் மருத்துவமனையில் கொரோனாவிற்கு அதிக கட்டணம் வசூலிப்பதாகப் புகார் எழுந்து வரும் நிலையில், தற்போது மீண்டும் ஒரு புகார் எழுந்துள்ளது. இந்த நிலையில் பாதிக்கப்பட்ட மக்கள் முதலமைச்சரின் கவனத்திற்குக் கொண்டு சென்று மருத்துவமனைகளின் மீது நடவடிக்கை எடுக்க வேண்டும் எனக் கோரிக்கை வைத்தனர்.