கொரோனா தடுப்பூசி குளறுபடியால் தேனியில் எழுந்த பாஜக!

கொரோனா தடுப்பூசி குளறுபடியால் தேனியில் எழுந்த பாஜக!

தேனி மாவட்டத்தில் கொரோனா பாதிப்பு எண்ணிக்கை தொடர்ந்து உயர்ந்து கொண்டே சென்ற நிலையில் மக்களிடம் தடுப்பூசி செலுத்திக் கொள்ளும் ஆர்வம் அதிகரித்துள்ளது. இதற்காக மாவட்ட நிர்வாகம் சார்பில் பள்ளி, கல்லூரி, திருமண மண்டபம் தொழிற்சாலைகள் என நூற்றுக்கும் மேற்பட்ட இடங்களில் தடுப்பூசி முகாம்கள் அமைத்து இதுவரை ஒரு லட்சத்து 13 ஆயிரத்து 202 பேர் கோவாக்சின் மற்றும் கோவிஷில்டு தடுப்பூசி செலுத்திக் கொண்டனர்.

இந்த சூழலில் தடுப்பூசி செலுத்துவதில் குளறுபடி ஏற்பட்டுள்ளதாகத் தேனி மாவட்ட பாஜக கோவிட்-19 சேவைப் பணிக் குழு தலைவர் மலைச்சாமி தலைமையில் மாவட்ட நிர்வாகத்திடம் மனு அளித்துள்ளனர்.

அந்த மனுவில், “பொதுமக்களிடம் விழிப்புணர்வை ஏற்படுத்தி தடுப்பூசி மையத்திற்கு அவர்களை அழைத்துச் சென்று ஊசிகளைச் செலுத்திக் கொள்ள வழிவகை செய்து வருகிறோம். முறையாகப் பதிவு செய்யாமல் தடுப்பூசிகள் செலுத்துவதால் மக்கள் தங்களுக்குச் செலுத்தும் தடுப்பூசி எந்த வகை என்பது தெரியாமல் போய் விடுகிறது.