ராமர் கோயில் விவகாரம்.. சிவ சேனா - பாஜகவினர் மோதல்!
அயோத்தி ராமர் கோயில் நில விவகாரத்தில் ஊழல் நடைபெற்றுள்ளதாக குற்றச்சாட்டுகள் எழுந்துள்ளன. இதை கடுமையாக விமர்சித்து
சிவ சேனா கட்சியின் அதிகாரப்பூர்வ இதழான சாமனாவின் தலையங்கத்தில் கருத்து தெரிவிக்கப்பட்டுள்ளது.
சாமனாவின் விமர்சனங்களை எதிர்த்து பாஜக இளைஞரண்யினர் இன்று போராட்டம் நடத்தினர். இதையடுத்து, பாஜகவினருக்கும் சிவ சேனாவி கட்சியினருக்கும் இடையே மும்பை தாதர் பகுதியில் மோதல் ஏற்பட்டது.
இரு தரப்பினரையும் காவல்துறையினர் கலைத்துவிட்டனர். பாஜகவை சேர்ந்த பெண் ஒருவரை சிவ சேனா கட்சியினர் தாக்கியுள்ளதாக பாஜக தரப்பில் குற்றம்சாட்டப்பட்டுள்ளது.
ராமர் கோயில் நில விவகாரத்தில் ராமர் கோயில் அறக்கட்டளை ஊழல் செய்துள்ளதாக குற்றச்சாட்டுகள் எழுந்துள்ளன. இந்த குற்றச்சாட்டுகளை அறக்கட்டளை மறுத்துள்ளது. ஆனால், நில விவகாரம் சந்தேகமளிப்பதாகவும், இதுகுறித்து விசாரணை நடத்த வேண்டுமெனவும் சாமனா தெரிவித்துள்ளது.
இதையடுத்து பாஜகவினர் போராட்டத்தில் ஈடுபட்டனர். பின்னர் இது பாஜகவினருக்கும், சிவ சேனா கட்சியினருக்கும் இடையேயான மோதலாக ஏற்பட்டது. காவல்துறையினர் குறுக்கிட்டு இருதரப்பினரையும் கலைத்தனர். பாஜகவும், சிவ சேனாவும் முன்பு கூட்டணி கட்சிகளாக இருந்தது குறிப்பிடத்தக்கது.
No comments:
Post a Comment