அப்படி என்ன பேசுனாரு? பாபா ராம்தேவிடம் ஒரிஜினல் வீடியோ கேட்ட உச்ச நீதிமன்றம்!
அலோபதி மருத்துவ முறை முட்டாள்தனமானது எனவும், தோல்வி அடைந்தது எனவும் அண்மையில் பாபா ராம்தேவ் பேசிய வீடியோ வெளியாகி சர்ச்சையை ஏற்படுத்தியது. இதற்கு இந்திய மருத்துவ சங்கமும், மருத்துவர்களும் கடும் கண்டனம் தெரிவித்தனர்.
கொரோனா நெருக்கடி காலத்தில் பாபா ராம்தேவின் பொறுப்பற்ற பேச்சால் மருத்துவர்கள் மீது பொதுமக்களுக்கு நம்பிக்கை குறையும் என மருத்துவர் சங்கங்கள் கண்டனம் தெரிவித்தன. மேலும், பாபா ராம்தேவ் மீது தொற்றுநோய்கள் சட்டத்தின் கீழ் நடவடிக்கை எடுக்க வேண்டுமென இந்திய மருத்துவ சங்கம் கேட்டுக்கொண்டது.
இந்நிலையில், அலோபதி மருத்துவ முறை குறித்து பாபா ராம்தேவ் பேசிய ஒரீஜினல் வீடியோவை சமர்ப்பிக்கும்படி பதஞ்சலி நிறுவனத்துக்கு உச்ச நீதிமன்றம் உத்தரவிட்டுள்ளது.
No comments:
Post a Comment