மதிய உணவுக்கு பதிலாக இலவச ரேஷன்.. மாநில அரசின் அட்டகாச அறிவிப்பு!
அரசு பள்ளிகளில் மாணவர்களுக்கு மதிய உணவு வழங்கப்பட்டு வருகிறது. ஆனால், கொரோனா நெருக்கடி காலகட்டத்தில் பள்ளிகள் மூடப்பட்டுள்ளதால் மாணவர்களுக்கு வழங்கப்பட வேண்டிய உணவு கிடைப்பதில்லை.
இந்நிலையில், மதிய உணவுக்கு பதிலாக மாணவர்களுக்கு ரேஷன் பொருட்கள் வழங்கப்படும் என பீஹார் மாநில அரசு தெரிவித்துள்ளது. இதன்படி, 1ஆம் வகுப்பு முதல் 8ஆம் வகுப்பு வரையிலான மாணவர்களுக்கு ஏப்ரல், மே, ஜூன் மாதங்களுக்கான ரேஷன் பொருட்களை வழங்கும்படி பீஹார் கல்வி துறை உத்தரவிட்டுள்ளது.
இதுகுறித்து கல்வித் துறை வெளியிட்டுள்ள அறிவிப்பில், மாணவர்களின் சார்பாக பெற்றோருக்கு ரேஷன் பொருட்கள் வழங்கப்படும் எனவும், அனைத்து அரசு பள்ளிகள் மற்றும் அரசு நிதி பெறும் பள்ளிகளின் முதல்வர்கள் ரேஷன் பொருட்களை விநியோகிக்க வேண்டுமெனவும் தெரிவித்துள்ளது.
பீஹார் மாநிலத்தில் கொரோனா தொற்று பாதிப்பு உயர்ந்ததைத் தொடர்ந்து, மே 5ஆம் தேதி முதல் முழு ஊரடங்கு அமல்படுத்தப்பட்டது. பின்னர் கொரோனா பாதிப்பு சற்று குறைந்ததால் ஜூன் 15ஆம் தேதியன்று ஊரடங்கு தளர்வுகள் அறிவிக்கப்பட்டது குறிப்பிடத்தக்கது.
No comments:
Post a Comment