என்னது டெல்டா பிளஸ் வைரஸா? இந்தியாவில் புதுசா ஒன்னு கிளம்பிருச்சு!
இந்தியாவில் கடந்த ஆண்டு மார்ச் மாதம் முதல் கொரோனா வைரஸ் பாதிப்பு தீவிரம் காட்டி வந்தது. இதன் காரணமாக நாடு தழுவிய ஊரடங்கு கட்டுப்பாடுகள் அமல்படுத்தப்பட்டன. செப்டம்பர் மாதத்திற்கு பின்னர் படிப்படியாக பாதிப்புகள் குறையத் தொடங்கின. ஜனவரியில் இயல்பு நிலை திரும்பிவிடும் என்று எதிர்பார்க்கப்பட்டது. இதையொட்டி தளர்வுகளும் அறிவிக்கப்பட்டன. ஆனால் பிப்ரவரியில் இரண்டாவது அலை பரவத் தொடங்கியது.
படிப்படியாக அதிகரித்து மே மாதத்தில் புதிய உச்சம் தொட்டது. அதன்பிறகு தினசரி பாதிப்புகள் வேகமாக குறைந்து வருகின்றன. இதனால் விரைவில் கோவிட்-19 2வது அலை முடிவுக்கு வரும் என்று எதிர்பார்க்கப்படுகிறது. இந்த இரண்டாவது அலை உருவாக்கத்தில் கொரோனாவின் உருமாறிய டெல்டா வகை வைரஸிற்கு முக்கிய பங்கிருப்பதாக வல்லுநர்கள் கூறுகின்றனர். இந்நிலையில் டெல்டா வகை வைரஸ் உருமாறி
இதன் பாதிப்பு பல்வேறு மாநிலங்களில் தற்போது கண்டறியப்பட்டிருப்பது பெரும் அதிர்ச்சியை ஏற்படுத்தியுள்ளது. மகாராஷ்டிராவில் 21, மத்தியப் பிரதேசத்தில் 6, கேரளாவில் 3, தமிழ்நாட்டில் 3, கர்நாடகாவில் 2, பஞ்சாப், ஆந்திரப் பிரதேசம் மற்றும் ஜம்முவில் தலா ஒருவருக்கு டெல்டா பிளஸ் வைரஸின் பாதிப்பு உறுதி செய்யப்பட்டுள்ளது.
No comments:
Post a Comment