பெட்ரோல் விலை உயர்வுக்கு எதிராகக் கோவை பெட்ரோல் பங்க் எதிரில் போராட்டம்!
மனிதநேய மக்கள் கட்சியின் ஆட்டோ ஓட்டுநர் பிரிவு எம்டிஎஸ் மனிதநேய தொழிற்சங்கத்தின் சார்பாகக் கோவையில் 37 இடங்களில் பெட்ரோல் பங்க் எதிரே போராட்டம் நடத்தப்பட்டது.
பெட்ரோல் பங்க் முன்பு பாஜக ஒன்றிய அரசைக் கண்டித்து மாபெரும் கண்டன ஆர்ப்பாட்டம் நடைபெற்றது. இதில் மனிதநேய தொழிற் சங்கத்தின் மாவட்டச் செயலாளர் அபுதாகிர் அவர்கள் தலைமையில், நடைபெற்றது.
மனிதநேய மக்கள் கட்சி தொழிற் சங்கத்தின் மாவட்ட நிர்வாகிகள் ஃபாருக், பிரோஸ், அசார், அக்பர், தமுமுக மாவட்ட செயலாளர் முஜிபுர் ரஹ்மான், மமக மாவட்ட துணைத் தலைவர் சிராஜூதீன், தமுமுக மாவட்ட துணைச் செயலாளர் ஆஷிக் அஹமது, மற்றும் பகுதி நிர்வாகிகள் ஏராளமான எம்டிஎஸ் தொழிற்சங்க நிர்வாகிகள் உறுப்பினர்கள் அனைவரும் கலந்து கொண்டார்கள்.
பெட்ரோல் விலை குறைக்க நடவடிக்கை எடுக்கப்படாத நிலை உருவானால் போராட்டம் தீவிரமெடுக்கப்படும் என மனிதநேய மக்கள் கட்சி நிர்வாகிகள் தெரிவித்துள்ளனர்.
No comments:
Post a Comment