கேரளாவில் ஜிகா வைரஸ் பாதிப்பு 38 ஆக உயர்வு!
கேரள மாநிலத்தில், ஜிகா வைரஸ் பாதிப்பால் பாதிக்கப்பட்டவர்களின் எண்ணிக்கை 38 ஆக அதிகரித்துள்ளது.
அண்டை மாநிலமான கேரளாவில், கொரோனா வைரஸ் ஒரு பக்கம் தீவிரமாகப் பரவி வரும் நிலையில், ஜிகா வைரஸ் பரவலும் அதிகரித்துள்ளது. இது அம்மாநில மக்களிடையே அச்சத்தை ஏற்படுத்தி உள்ளது. இந்நிலையில் இன்று மேலும் ஒருவருக்கு ஜிகா வைரஸ் பாதிப்பு உறுதி செய்யப்பட்டுள்ளது. இதன் மூலம், ஜிகா வைரசால் பாதிக்கப்பட்டவர்களின் மொத்த எண்ணிக்கை 38 ஆக உயர்ந்து உள்ளது.
இந்நிலையில், தற்போது ஜிகா வைரஸால் பாதிக்கப்பட்டவர்களில் 8 பேர் சிகிச்சை பெற்று வருகின்றனர் என்றும், ஜிகா வைரசால் பாதிக்கப்பட்டு சிகிச்சை முடிந்து, குணமாகி, 30 பேர் வீடு திரும்பி விட்டதாகவும் கேரள மாநில சுகாதாரத் துறை அமைச்சர் வீணா ஜார்ஜ் தெரிவித்துள்ளார்.
கேரள மாநிலத்தில் கொரோனா வைரஸ் மற்றும் ஜிகா வைரஸ் பரவி வரும் நிலையில் ஊரடங்கில் மூன்று நாட்கள் தளர்வு அளித்துள்ளது சர்ச்சையை ஏற்படுத்தி உள்ளது.
No comments:
Post a Comment