மின்சார திருத்தச் சட்டத்தத்திற்கு தேனியில் கடும் எதிர்ப்பு!

மின்சார திருத்தச் சட்டத்தத்திற்கு தேனியில் கடும் எதிர்ப்பு!

தேனி மாவட்டம் போடியில் உள்ள மின் நிலைய அலுவலகம் முன்பு மின்சார கூட்டுக்குழு இயக்கம் சார்பாக, 2003- ஆம் ஆண்டு மின்சார சட்டத்தை திருத்தம் செய்து புதிதாக மின்சார சட்டத்தை நாடாளுமன்றத்தில் ஒன்றிய அரசு அமல்படுத்த உள்ளதை கண்டித்தும், புதிய சட்டத்தை திரும்பப் பெற வலியுறுத்தியும் ஆர்ப்பாட்டம் நடைபெற்றது.

இந்த ஆர்ப்பாட்டத்தில் ஏராளமானோர் கலந்துகொண்டு ஒன்றிய அரசுக்கு எதிராக கோஷங்கள் எழுப்பினர். “புதிய மின்சார திருத்த சட்டம் அமல்படுத்தப்பட்டால், பொதுமக்கள் விவசாயிகளுக்கு அரசு வழங்கி வரும் இலவச மின்சாரத் திட்டங்களை ரத்தாகும்.

மின்சார துறையை தனியார் மயமாகும் சூழ்நிலை ஏற்படும். பெட்ரோல் டீசல் விலை உயர்வு போல் மின்சாரக் கட்டணமும் நாளுக்கு நாள் உயரும்.

மின்சார வாரிய ஊழியர்கள் பெரும் பாதிப்புக்கு உள்ளாவார்கள் எனவே மத்திய அரசு புதிய மின்சார திருத்தச்சட்டத்தை திரும்பப் பெற வேண்டும்" என போடி மின் ஊழியர்கள் சங்க தலைவர் திருமுருகன் கூறினார்.