கல்விக் கட்டணம்... தனியார் பள்ளிகளுக்கு அமைச்சர் வார்னிங்!
தமிழக பள்ளிக் கல்வித் துறை அமைச்சர் அன்பில் மகேஷ், திருச்செந்தூர் முருகன் கோயிலில் குடும்பத்துடன் சாமி தரிசனம் செய்தனர். அதன் பின்னர் அவர் செய்தியாளர்களிடம் கூறியது:
தமிழகத்தில் கொரோனா இரண்டாவது அலை படிப்படியாக குறைந்து வருகிறது. மூன்றாவது அலை பரவும் அபாயம் உள்ளதால் மருத்துவ நிபுணர்களின் ஆலோசனைக்கு பிறகே பள்ளிகளை திறப்பது குறித்து முடிவு செய்யப்படும்.
பள்ளிகளை திறக்கும்போது, எவ்வித அச்சுறுத்தலும் இன்றி பெற்றோர் தங்கள் குழந்தைகளை அனுப்பி வைக்க வேண்டும். பெற்றோர், மருத்துவர்களிடம் கருத்து கேட்ட பிறகே பள்ளிகள் திறக்கப்படும்.
முதலமைச்சர் சட்டப்பேரவை கூட்டத்தொடரில் எடுக்கும் முடிவுகளின்படியே நீட் தேர்வு நடத்துவது குறித்து நடவடிக்கை எடுக்கப்படும்.
நீதிமன்ற உத்தரவின்படி, 40%,35% என இரு தவணைகளாக தான் தனியார் பள்ளிகள் கல்விக் கட்டணம் வசூலிக்க வேண்டும். இதுகுறித்து விரைவில் சுற்றறிக்கை அனுப்பப்படும் என்று அமைச்சர் அன்பில் மகேஷ் தெரிவித்தார்.
No comments:
Post a Comment