கோவிலில் வைத்து டிவி நடிகரை திருமணம் செய்த பிரபல நடிகை
கேரளாவை சேர்ந்த நடிகை மிருதுளா விஜய், நடிகர் யுவ கிருஷ்ணாவின் திருமணம் எளிமையான முறையில் கோவிலில் வைத்து நடந்தது.
கேரள மாநிலத்தை சேர்ந்தவர் மிருதுளா விஜய். ராஜா தேசிங்கு இயக்கிய நூறாம் நாள் படத்தில் சிறு கதாபாத்திரத்தில் நடித்தார். அதன் பிறகு ஜெனிபர் கருப்பையா படத்தில் ஹீரோயினாக நடித்தார். கடன் அன்பை முறிக்கும் படத்திலும் நடித்துள்ளார். அதன் பிறகு அவர் மலையாள படங்கள் மற்றும் தொலைக்காட்சி தொடர்களில் கவனம் செலுத்தி வருகிறார்.
மிருதுளாவுக்கும், மலையாள தொலைக்காட்சி தொடர்களில் நடித்து வரும் யுவ கிருஷ்ணாவுக்கும் கடந்த ஆண்டு டிசம்பர் மாதம் 23ம் தேதி நிச்சயதார்த்தம் நடந்தது. இதையடுத்து நேற்று அவர்களின் திருமணம் நடைபெற்றது. கோவிலில் நடந்த திருமண நிகழ்ச்சியில் இருவீட்டாரும், நெருங்கிய நண்பர்களும் கலந்து கொண்டு மணமக்களை வாழ்த்தினார்கள். திருமணத்தின்போது எடுக்கப்பட்ட புகைப்படங்கள், வீடியோக்கள் சமூக வலைதளங்களில் வெளியாகியுள்ளது. அதை பார்த்த ரசிகர்கள் மிருதுளா மற்றும் யுவ கிருஷ்ணாவுக்கு வாழ்த்து தெரிவித்து வருகிறார்கள்.
No comments:
Post a Comment