திருவாரூர் மாணவனுக்கு முதல்வர் ஸ்டாலின் நேரில் பாராட்டு!
திருவாரூர் மாவட்டம், பழவனக்குடி கிராமம், கலைஞர் நகரில் வசித்து வரும் சேதுராசன் என்பவரின் மகன் மாதவ். ஒன்பதாம் வகுப்பு பயின்று வருகிறார். இவர் கணினியில் மிகுந்த ஆர்வம் கொண்டு, கணினி மொழிகளான Java, Python, C, C++, Kotlin ஆகியவற்றைப் படித்துள்ளார்.
மாணவன் மாதவ், கொரோனா ஊரடங்கு காலத்தில் பள்ளிகள் திறக்கப்படாத நிலையில் கையடக்க Mini CPU கண்டுபிடித்து உள்ளதாகவும், இதற்காக இரண்டு ஆண்டுகளாகக் கடுமையாக முயற்சித்து இம்முயற்சியில் வெற்றி பெற்றுள்ளார் என்பதைக் கேள்விப்பட்ட முதல்வர் ஸ்டாலின், அவரை நேரில் அழைத்துப் பாராட்டினார்.
அப்போது, இக்கருவி அனைவரிடத்திலும் சென்றடைய ஏதுவாக Terabyte India CPU Manufacturing Company என்ற நிறுவனத்தினைத் தொடங்கி, இணையதளம் (Online) மூலமாக மிகவும் குறைந்த விலைக்கு விற்பனை செய்து வரும் மாணவன் மாதவ்-யை முதல்வர் ஸ்டாலின் வாழ்த்தினார்.மேலும், கணினி தொடர்பான அந்த மாணவரின் உயர்படிப்பிற்கும், ஆராய்ச்சிக்கும் தமிழ்நாடு அரசு அனைத்து விதமான உதவிகளையும் செய்யும் என்று அப்போது முதல்வர் ஸ்டாலின் உறுதியளித்தார். இந்நிகழ்வின்போது, மாதவின் பெற்றோர்கள் உடனிருந்தனர்.
No comments:
Post a Comment