ராகுலின் கணக்கையா முடக்குறீங்க: ட்விட்டர் குருவியை வறுத்து பார்சல்!
டெல்லியில் கூட்டுப் பாலியல் வன்கொடுமை செய்து கொல்லப்பட்ட சிறுமியின் குடும்பத்தின் அடையாளத்தை பொது வெளியில் காட்டியதாக காங்கிரஸ் மூத்த தலைவர் ராகுல் காந்தியின் ட்விட்டர்
கணக்கு சில தினங்களுக்கு முன்னர் முடக்கப்பட்டது.
ராகுல் காந்தி உள்பட பல்வேறு காங்கிரஸ் தலைவர்களின் முடக்கப்பட்ட ட்விட்டர் கணக்கு சுமார் ஒருவார காலத்துக்கு பின்னர் மீண்டும் செயல்பாட்டு வந்தது. ஆனால், காங்கிரஸ் தொண்டர்களின் எதிர்ப்பு மட்டும் இன்னும் கொழுந்து விட்டு எரிந்து கொண்டிருக்கிறது. காங்கிரஸ் கட்சியைச் சேர்ந்த தொண்டர்கள் தங்களது ட்விட்டர் பெயரை ராகுல்காந்தி என்று மாற்றி எதிர்ப்பு தெரிவித்தனர்.
இந்த நிலையில்,
ஆந்திர மாநில காங்கிரஸ் தலைவரும், முன்னாள் எம்.பி., ஹர்ஷ குமாரின் மகனுமான
ஜி.வி.ஸ்ரீ ராஜ் என்பவர், ட்விட்டர் லோகோவில் உள்ள பறவையான குருவியை போன்று பாவித்து காடையை எண்ணெயில் போட்டு வறுத்தெடுத்துள்ளார். ராகுல் காந்தி ட்விட்டர் கணக்கு முடக்கத்துக்கு எதிர்ப்பு தெரிவித்து காடையை வறுத்ததாக தெரிவிக்கும் அவர், வறுக்கப்பட்ட காடையை ட்விட்டர் அலுவலகத்துக்கு பார்சல் அனுப்பப்போவதாகவும் தெரிவித்துள்ளார்.
No comments:
Post a Comment