நான்கு மாவட்டங்களில் கனமழை: வானிலை ஆய்வு மையம் தகவல்!

நான்கு மாவட்டங்களில் கனமழை: வானிலை ஆய்வு மையம் தகவல்!

தமிழ்நாட்டின் கடற்கரையை ஒட்டி நிலவும் வளிமண்டல மேலடுக்கு சுழற்சி காரணமாக இன்று சேலம், திருவண்ணாமலை, வேலூர், ராணிப்பேட்டை மாவட்டங்களில் ஓரிரு இடங்களில் இடி மின்னலுடன் கூடிய கன மழையும், ஏனைய மாவட்டங்களில் ஒரு சில இடங்களில் இடி மின்னலுடன் கூடிய லேசானது முதல் மிதமான மழையும் பெய்யக்கூடும்.

நாளை திருவள்ளூர், காஞ்சிபுரம், ராணிப்பேட்டை மாவட்டங்களில் ஓரிரு இடங்களில் இடி மின்னலுடன் கூடிய கன மழையும், ஏனைய கடலோர மாவட்டங்கள் மற்றும் உள் மாவட்டங்களில் ஒரு சில இடங்களில் இடி மின்னலுடன் கூடிய லேசானது முதல் மிதமான மழையும் பெய்யக்கூடும்.

ஆகஸ்ட் 26ஆம் தேதி திருவண்ணாமலை, விழுப்புரம், கள்ளக்குறிச்சி, சேலம் மாவட்டங்களில் ஓரிரு இடங்களில் இடி மின்னலுடன் கூடிய கன மழையும், ஏனைய கடலோர மாவட்டங்கள் மற்றும் அதனை ஒட்டிய உள் மாவட்டங்கள், நீலகிரி, கோவை மாவட்டங்களில் ஒரு சில இடங்களில் இடி மின்னலுடன் கூடிய லேசானது முதல் மிதமான மழையும் பெய்யக்கூடும்.

ஆகஸ்ட் 27, 28ஆம் தேதி நீலகிரி, கோவை, தேனி, திண்டுக்கல் மாவட்டங்களில் ஓரிரு இடங்களில் இடி மின்னலுடன் கூடிய கன மழையும், ஏனைய மாவட்டங்களில் ஒரு சில இடங்களில் இடி மின்னலுடன் கூடிய லேசானது முதல் மிதமான மழையும் பெய்யக்கூடும்.

சென்னையை பொறுத்தவரை அடுத்த 48 மணி நேரத்திற்கு வானம் பொதுவாக மேகமூட்டத்துடன் காணப்படும், நகரின் ஒருசில பகுதிகளில் இடி மின்னலுடன் கூடிய லேசானது முதல் மிதமான மழை பெய்யக்கூடும். அதிகபட்ச வெப்பநிலை 34 மற்றும் குறைந்தபட்ச வெப்பநிலை 26 டிகிரி செல்சியஸை ஒட்டி இருக்கும்.

கடந்த 24 மணி நேரத்தில் அதிகபட்சமாக கொடுமுடி (ஈரோடு), கடம்பூர் (தூத்துக்குடி), பரமத்திவேலூர் (நாமக்கல்), கொடநாடு (நீலகிரி) தலா 7, மலையூர் (புதுக்கோட்டை) 6v, கரூர்.பரமத்தி (கரூர்), பரமக்குடி (ராமநாதபுரம்) தலா 5, ஹரூர் (தர்மபுரி), ஓட்டன்ச்சத்திரம் (திண்டுக்கல்) தலா 4, திருத்துறைப்பூண்டி (திருவாரூர்), ராஜபாளையம் (விருதுநகர்), உசிலம்பட்டி (மதுரை), தழுத்தலை (பெரம்பலூர்), ஏத்தாப்பூர் (சேலம்) தலா 3, வேதாரண்யம் (நாகப்பட்டினம்), திருச்சிராப்பள்ளி, திருப்பத்தூர் (சிவகங்கை), ஈச்சன்விடுதி (தஞ்சாவூர்) உதகமண்டலம், சோத்துப்பாறை (தேனி) 2, ஈரோடு, ஓசூர் (கிருஷ்ணகிரி), செங்கம் (திருவண்ணாமலை), பெரியநாயக்கன்பாளையம் (கோவை) தலா 1 சென்டிமீட்டர் மழை பதிவாகியுள்ளது.