மதனை ஏன் கட்சியில் இருந்து நீக்கவில்லை: அண்ணாமலை ஆடும் ஆடுபுலி ஆட்டம்! - TAMIL BOOKS FREE PDF

tamil books and story reading portal

Post Top Ad

Tuesday, August 24, 2021

மதனை ஏன் கட்சியில் இருந்து நீக்கவில்லை: அண்ணாமலை ஆடும் ஆடுபுலி ஆட்டம்!

மதனை ஏன் கட்சியில் இருந்து நீக்கவில்லை: அண்ணாமலை ஆடும் ஆடுபுலி ஆட்டம்!

தமிழகத்தில் எப்படியாவது காலூன்றி விட வேண்டும் என்று பல்வேறு முயற்சிகளை மேற்கொண்டு வரும் பாஜகவுக்கு இன்று ஒரு கெட்ட நாள் என்றே சொல்லலாம். சமூக வலைதளங்களில் ஏகத்துக்கும் விமர்சனங்களை எதிர்கொண்டுள்ளது. முன்னதாக, சில நாட்களுக்கு முன்னர் தமிழக பாஜக கட்சியின் மூத்த நிர்வாகிகள் பலரது மீது பாலியல் குற்றச்சாட்டுகள் இருப்பதாகவும், அது தொடர்பாக கட்சி மேலிட பொறுப்பாளர் கட்சிக் கூட்டத்திலேயே வைத்து ரவுண்டு கட்டியதாகவும் செய்திகள் வெளியாகின.

இந்த நிலையில், தமிழக பாஜக மாநில பொதுச் செயலாளராக இருந்த கே.டி.ராகவன் மீது பாலியல் குற்றச்சாட்டு சுமத்தப்பட்டு ஆபாச வீடியோ ஒன்று வெளியாகி கடும் சர்ச்சையை ஏற்படுத்தியுள்ளது. இதையடுத்து அவர் தனது கட்சிப் பொறுப்பை ராஜினாமா செய்துள்ளார்.

கே.டி.ராகவன் தொடர்பான அந்த வீடியோவை வெளியிட்டது மதன் ரவிச்சந்திரன் எனும் யூ-டியூபர்தான். அவர் நடத்தி வரும் மதன் டைரீஸ் எனும் யூ-டியூப் பக்கத்தில்தான் ராகவன் தொடர்பான வீடியோ வெளியிடப்பட்டுள்ளது. பத்திரிகையாளர் என்று தன்னை அடையாளப்படுத்திக் கொள்ளும் இவரும் ஒரு பாஜக காரர்தான். கடந்த ஆண்டு அக்போடர் மாதம் டெல்லியில் பாரதிய ஜனதா கட்சியில் சேர்ந்தவர் மதன் ரவிச்சந்திரன்.

அதுவும் அவர் தனது வீடியோவில் மாநில தலைவர் அண்ணாமலை சொல்லித்தான் இந்த வீடியோவை வெளியிட்டதாகவும் கூறி, அது தொடர்பான ஒரு ஸ்கிரீன்ஷாட்டையும் இணைத்துள்ளார். அதில், “அந்த பெண்ணுக்கு உண்மையாகவே நீதி வேண்டும் என்று நீங்கள் கருதினால் வீடியோவை ரிலீஸ் செய்து கொள்ளுங்கள்” என்று குறிப்பிடப்பட்டுள்ளது. இதேபோல் பாஜகவில் உள்ள பல தலைவர்களின் வீடியோக்களும் இனி வரும் நாள்களில் வெளியாகும் எனவும் அந்த வீடியோவில் தெரிவித்துள்ளனர்.

No comments:

Post a Comment

Post Top Ad