பாலியல் வீடியோ: பாஜக தலைவர் அண்ணாமலை மீது புகார்?
தமிழக பாஜக பாஜக பொதுச் செயலாளராக இருந்த கே.டி.ராகவன் தொடர்பான ஆபாச வீடியோ ஒன்றை பாஜகவை சேர்ந்த யூடியூபர் மதன் தனது மதன் டைரீஸ் சேனலில் வெளியிட்டார். இது கடுமையான அதிவர்லைகளை ஏற்படுத்திய நிலையில், கே.டி.ராகவன் தனது கட்சிப் பொறுப்பை ராஜினாமா செய்தார். அந்த
வீடியோவை மாநிலத் தலைவர் அண்ணாமலையின் ஒப்புதலுடனேயே வெளியிட்டதாகவும் மதன் கூறியிருந்தார்.
ஆனால், வீடியோவை ஒப்படைத்தால் நடவடிக்கை எடுப்பதாக கூறியும் மதன் மறுத்துடன் வீடியோவை வெளியிட்டு விட்டதாக அறிக்கை மூலம் அண்ணாமலை விளக்கம் அளித்திருந்தார். இதனையடுத்து, வீடியோ வெளியிட்ட மதன், வென்பா ஆகியோர் பாஜகவில் இருந்து நீக்கப்பட்டனர்.
அதன் தொடர்ச்சியாக, அண்ணாமலையிடம் வீடியோவை காண்பித்து அவரது ஒப்புதலுடனேயே வீடியோவை வெளியிட்டதாக கூறி, அண்ணாமலையை சந்தித்தபோது, அவருடன் நடைபெற்ற உரையாடல் என்று ஆதாரமாக மற்றொரு வீடியோ ஒன்றை மதன் தனது ஃபேஸ்புக் பக்கத்தில் வெளியிட்டு
அடுத்த பரபரப்பை ஏற்படுத்தினார்.
இந்த நிலையில், பாலியல் வீடியோ தொடர்பாக டிஜிபி அலுவலகம், உள்துறை செயலாளர், தமிழ்நாடு பெண்கள் ஆணையம் ஆகியவற்றில் யூடியூபர் மதன் புகார் அளித்துள்ளதாக தகவல்கள் வெளியாகியுள்ளன. அதில், தமிழக பாஜக தலைவர் அண்ணாமலையை, பாதிக்கப்பட்ட பெண்ணின் வீடியோவுடன் அணுகி நடவடிக்கை எடுக்குமாறு கேட்டுக் கொண்டதாகவும், ஆனால் சிக்கலான நடைமுறையைக் காரணம் காட்டி நடவடிக்கை எடுக்க அண்ணாமலை மறுத்துவிட்டதாகவும் கூறப்பட்டுள்ளதாக தெரிகிறது.
No comments:
Post a Comment