4 இல்லை.. 14 கேட்போம்.. உரிமை இருக்கு.. தெறிக்க விட்ட சு. வெங்கடேசன்
தமிழ்நாட்டுக்கு 4 சர்வதேச விமானநிலையங்கள் இல்லை, 14 கூட கேட்போம். எங்களுக்கு தகுதி உள்ளது என்று சு. வெங்கடேசன் கூறியுள்ளார்.
தமிழகத்திற்கு 4வது சர்வதேச விமான நிலையம் தர முடியாது என்று கூறுகிறார் மத்திய சிவில் விமானப் போக்குவரத்துத் துறை அமைச்சர். நாங்கள் 4 இல்லை, 14 விமான நிலையம் கேட்போம், எங்களுக்கு உரிமை உள்ளது என்று மதுரை எம்பி சு. வெங்கடேசன் அதிரடியாக பேசியுள்ளார்.
தமிழகத்தில் தற்போது சென்னை, கோவை, திருச்சி ஆகிய நகரங்களில் சர்வதேச விமான நிலையங்கள் உள்ளன. மதுரை விமான நிலையத்தை சர்வதேச விமான நிலையமாக தரம் உயர்த்த வேண்டும் என்ற கோரிக்கை நீண்ட காலமாக நிலுவையில் உள்ளது. மத்திய அரசு இதுதொடர்பாக எந்த முடிவையும் இதுதொடர்பாக எடுக்கவில்லை.
இந்த நிலையில் தமிழகத்தில் 4வது சர்வதேச விமான நிலையம் தர முடியாது என்று மத்திய சிவில் விமானப் போக்குவரத்துத் துறை அமைச்சர் ஜோதிர் ஆதித்யா சிந்தியா மறுத்துள்ளதாக மதுரை எம்.பி. சு வெங்கடேசன் கூறியுள்ளார்.
இதுதொடர்பாக அவர் போட்டுள்ள ஒரு டிவீட்டில், பல வடமாநிலங்களில் ஒரு சர்வதேச விமான நிலையம் தான் இருக்கிறது. தமிழகத்திற்கு நான்காவதாக மதுரைக்கு கேட்பது என்ன நியாயம்? தர முடியாது என்கிறார் விமானத்துறை அமைச்சர்.
கடந்த ஆண்டு மட்டும் தமிழகம் செலுத்திய GST வரி, 21 மாநிலங்கள் மற்றும் யூனியன் பிரதேசங்கள் செலுத்திய மொத்த வரியை விட அதிகம். நாங்கள் 4 அல்ல… 14 கேட்க உரிமையும், தகுதியும் படைத்தவர்கள் என்று ஆவேசமாக கூறியுள்ளார் சு. வெங்கடேசன்.
No comments:
Post a Comment