கோவையில் எய்ம்ஸ் மருத்துவமனை..! முதல்வரின் விருப்பம் நிறைவேறுமா?

கோவையில் எய்ம்ஸ் மருத்துவமனை..! முதல்வரின் விருப்பம் நிறைவேறுமா?

கோவையிலும எய்மஸ் மருத்துவமனையை அமைக்கப்பட வேண்டும் என்று மத்திய சுகாதாரத் துறை அமைச்சரிடம் முதல்வர் மு.க.ஸ்டாலின் வலியுறுத்தியுள்ளார்.

மத்திய சுகாதாரத் துறை அமைச்சர் மன்சுக் மாண்டவியா சென்னை வந்தார். அவரிடம் தமிழகத்தின் சுகாதார கட்டமைப்பை மேலும் மேம்படுத்துவதற்கான பல்வேறு கோரிக்கைகள் அடங்கிய மனுவை முதல்வர் ல்டாலின் அளித்தார்.

அதில் இடம்பெற்றுள்ள முக்கிய அம்சங்கள்:

தமிழகதத்திவ் ஏற்கெனவே உள்ள 25 மருத்துவ கல்லூரிகளுடன் தற்போது புதிததாக 11 கல்லூரிகள் தொடங்கப்பட்டுள்ளன. மருத்துவக் கல்லூரிகள் இல்லாத காஞ்சிபுரம், ராணிப்பேட்டை, திருப்பத்துார், பெரம்பலுார், மயிலாடுதுறை, தென்காசி ஆகிய மாவட்டங்களில் அரசு மருத்துவக் கல்லுாரிகள் அமைக்க, மத்திய அரசு அனுமதி அளிப்பதோடு, அதற்கான நிதி பங்களிப்பையும் அளிக்க வேண்டும்.

மாநில அரசின் நிதியில் அமைக்கப்படும் அரசு மருத்துவக் கல்லுாரிகளில், அகில இந்திய மருத்துவ ஒதுக்கீடை ரத்து செய்ய வேண்டும்.

வெளிநாடுகளில் மருத்துவம் படித்து, அரசு மருத்துவக் கல்லுாரிகளில், 'இன்டர்ன்ஷிப்' பயிற்சிக்கான மாணவர்களின் அனுமதியை 7.5 சதவீதத்தில் இருந்து 20 சதவீதமாக உயர்த்த அனுமதிக்க வேண்டும்.

தமிழகத்தில் 19 வட்டார அரசு மருத்துவமனைகளை மாவட்ட அரசு தலைமை மருத்துவமனையாக மேம்படுத்த, 950 கோடி ரூபாய் நித தேவை. இதற்கான கருத்துருவுக்கு ஒப்புதல் அளிக்க வேண்டும்.

மருத்துவ படிப்புகளுக்கான, 'நீட்' நுழைவுத் தேர்வில் இருந்து, தமிழகத்திற்கு விலக்கு அளிக்க அனுமதி கோரும் சட்ட மசோதாவுக்கு, மத்திய அரசு ஒப்புதல் அளிக்க வேண்டும். மருத்துவ படிப்பு உட்பட அனைத்து உயர்கல்வி படிப்புகளுக்கும், பிளஸ் 2 மதிப்பெண் அடிப்படையிலேயே மாணவர் சேர்க்கையை நடத்த அனுமதிக்க வேண்டும்

மதுரையில் எய்ம்ஸ் மருத்துவமனை அமைக்க, அடிக்கல் நாட்டப்பட்டு இரண்டு ஆண்டுகள் ஆகிவிட்டது. ஆனாலும் இதுவரை அங்கு சுற்றுச்சுவர் மட்டுமே எழுப்பப்பட்டுள்ளது. கூடுதல் அதிகாரிகள் மற்றும் நிதியை ஒதுக்கி கட்டுமானப் பணிகளை விரைவுப்படுத்த நடவடிக்கை எடுக்க வேண்டும்.

மதுரையை தொடர்ந்து, தமிழகத்தின் இரண்டாவது எய்ம்ஸ் மருத்துவமனையை கோவையில் அமைப்பதற்கு மத்திய அரசு உரிய நடவடிக்கை எடுக்க வேண்டும். கோவை எய்ம்ஸ் மருத்துவமனைக்கு தேவையான நிலதத்தை தமிழக அரசு அளிக்கும் என்று தமது கோரிக்கை மனுவில் ஸ்டாலின தெரிவித்துள்ளார்.