பெட்ரோல், டீசல் விலை: இன்றும் மாற்றமில்லை... ஆனாலும் கவலைதான்! - TAMIL BOOKS FREE PDF

tamil books and story reading portal

Post Top Ad

Saturday, January 29, 2022

பெட்ரோல், டீசல் விலை: இன்றும் மாற்றமில்லை... ஆனாலும் கவலைதான்!

பெட்ரோல், டீசல் விலை: இன்றும் மாற்றமில்லை... ஆனாலும் கவலைதான்!


சென்னையில் பெட்ரோல், டீசலின் இன்றைய விலை நிலவரம் குறித்து இங்கே காணலாம்
சர்வதேச சந்தையில் கச்சா எண்ணெய் விலைக்கு ஏற்ப மாதம் இருமுறை நிர்ணயம் செய்யப்பட்டு வந்த முறை மாற்றியமைக்கப்பட்டு, தினசரி பெட்ரோல், டீசல் விலை நிர்ணயம் செய்யும் முறையை மத்திய பாஜக அரசு அமல்படுத்தியது. அதனை நிர்ணயம் செய்யும் பொறுப்பு எண்ணெய் நிறுவனங்களுக்கு வழங்கப்பட்டது.
இதையடுத்து, பெட்ரோல், டீசல் அதிரடியான மாற்றங்களை கண்டு வருகிறது. சிறிதளவு இறங்கி பலமடங்கு ஏற்றம் கண்டு வருகிறது. இதனால் பிற பொருள்களின் விலைவாசியும் உயரும் சூழல் உருவாகி, பெரும்பாலும் பொதுமக்கள் சிரமத்திற்கு ஆளாக நேரிடுகிறது.

கடந்த சில மாதங்களாக பெட்ரோல், டீசல் விலை தொடர்ந்து அதிகரித்து வந்தது. பல மாநிலங்களில் ரூ.100க்கும் அதிகமாக பெட்ரோல் டீசல் விற்கப்பட்டது. இதையடுத்து, பெட்ரோல், டீசல் விலையை குறைக்க வேண்டும் என்று எதிர்க்கட்சிகள் தொடர்ந்து வலியுறுத்தி வந்தன. இதையடுத்து, பல்வேறு மாநிலங்கள் அந்தந்த மாநிலங்களுக்கு உட்பட்ட வரியை குறைத்தன.

அதன் தொடர்ச்சியாக, ஒன்றிய அரசு கடந்த ஆண்டு நவம்பர் மாதம் பெட்ரோல் மீதான கலால் வரியில் 5 ரூபாயையும் டீசல் மீதான கலால் வரியில் 10 ரூபாயையும் குறைத்தது. அன்றைய தினம் ஒரு லிட்டர் பெட்ரோல் 101.40 ரூபாய்க்கும், டீசல் 91.43 ரூபாய்க்கும் விற்பனையாயின. அதன்பிறகு இன்று (ஜனவரி 30ஆம் தேதி 2022) வரை 87 நாட்களாக பெட்ரோல், டீசல் விலையில் எந்த மாற்றமில்லை.

அதன்படி, சென்னையில் ஒரு லிட்டர் பெட்ரோல் ரூ.101.40க்கு, ஒரு லிட்டர் டீசல் ரூ.91.43க்கும் விற்பனை செய்யப்படுகிறது. இந்த விலை இன்று காலை 6 மணி முதல் அமலுக்கு வந்துள்ளது. தொடர்ந்து பெட்ரோல், டீசல் விலையில் மாற்றமில்லாமல் இருப்பது வாகன ஓட்டிகளை நிம்மதியடையச் செய்திருந்தாலும், தற்போதைய விலையே அதிகம் என்பதால் பொதுமக்கள் கவலையடைந்துள்ளனர்.



No comments:

Post a Comment

Post Top Ad