பிப்ரவரி முதல் இதெல்லாம் மாறப்போகுது.. புதிய விதிமுறைகள் அமல்!

பிப்ரவரி முதல் இதெல்லாம் மாறப்போகுது.. புதிய விதிமுறைகள் அமல்!

பிப்ரவரி மாதம் முதல் மாறவிருக்கும் புதிய விதிமுறைகள்...

ஒவ்வொரு மாதமும் புதிய விதிமுறைகள், புதிய அறிவிப்புகள் அறிவிக்கப்படுவது வழக்கம். இந்த விதிமுறைகள் பெரும்பாலும் அடுத்த மாதம் முதல் அமல்படுத்தப்படும். மேலும், இவ்விதிமுறைகள் பெரும்பாலும் சாமானிய மக்கள் சார்ந்ததாகவே இருக்கின்றான. இவ்வகையில், பிப்ரவரி முதல் என்னென்ன விதிமுறைகள் அமலுக்கு வரும் என்பதை பார்க்கலாம்.

ஒவ்வொரு மாதமும் கேஸ் சிலிண்டர் விலை மாற்றப்படுவது வழக்கம். இதன்படி பிப்ரவரி மாதத்துக்கும் சிலிண்டர் விலை குறித்த அறிவிப்பு விரைவில் வெளியாகும் என எதிர்பார்க்கப்படுகிறது. தற்போது ஒரு சிலிண்டர் விலை 915 ரூபாயாக உள்ளது குறிப்பிடத்தக்கது.

​பட்ஜெட்

பிப்ரவரி 1ஆம் தேதி மத்திய பட்ஜெட்டை நிதியமைச்சர் நிர்மலா சீதாராமன் தாக்கல் செய்யவுள்ளார். இதிலேயே ஏராளமான விதிமுறைகள் மாற்றப்படும் என எதிர்பார்க்கப்படுகிறது. எனவே, அனைவரின் கவனமும் பட்ஜெட்டை எதிர்நோக்கி உள்ளது.

​எஸ்பிஐ ரூல்ஸ்

இந்தியாவின் மிகப்பெரிய வங்கியான எஸ்பிஐ (SBI) டிஜிட்டல் பரிவர்த்தனைக்கான விதிமுறையை மாற்றியுள்ளது. இதன்படி, ஐஎம்பிஎஸ் (IMPS) பரிவர்த்தனைக்கான வரம்பை 2 லட்சம் ரூபாயில் இருந்து 5 லட்சம் ரூபாயாக உயர்த்தியுள்ளது எஸ்பிஐ.

​சேவைக் கட்டணம் ரத்து

எஸ்பிஐ வங்கி ஐஎம்பிஎஸ் பரிவர்த்தனைகளுக்கான சேவைக் கட்டணத்தையும் ரத்து செய்துள்ளது. இதன்படி, எஸ்பிஐ YONO ஆப் மூலம் ஐஎம்பிஎஸ் முறையில் 5 லட்சம் ரூபாய் வரை சேவைக் கட்டணம் இல்லாமல் பணம் அனுப்பலாம். இது பிப்ரவரி 1ஆம் தேதி முதல் அமலுக்கு வருகிறது.

​வருமான வரி விலக்கு வரம்பு

பிப்ரவரி 1ஆம் தேதி பட்ஜெட் தாக்கல் செய்யப்படவுள்ளது. இதில் பல்வேறு எதிர்பார்ப்புகள் இருந்தாலும், வருமான வரி விலக்கு வரம்பு உயர்த்தப்பட வேண்டுமென்பதே மிகப்பெரிய எதிர்பார்ப்பாக உள்ளது.