ப்ளே ஸ்டோர் செயலிகள் மூலம் லோன் வாங்க வேண்டாம் - காவல்துறை எச்சரிக்கை!

ப்ளே ஸ்டோர் செயலிகள் மூலம் லோன் வாங்க வேண்டாம் - காவல்துறை எச்சரிக்கை!

இணையதளங்களில் வெளியாகும் போலி விளம்பரங்களை நம்பி அறிமுகம் இல்லாத கடன் செயலிகளை பயன்படுத்தி பொதுமக்கள் கடன் பெற வேண்டாம் என சென்னை மாநகர காவல் ஆணையர் சங்கர் ஜிவால் வேண்டுகோள் விடுத்துள்ளார்.

அவசர தேவைக்காக கூகுள் பிளே ஸ்டோரில் உள்ள கடன் செயலிகள் மூலம் லோன் பெற வேண்டாம் என சென்னை மாநகர காவல் ஆணையர் சங்கர் ஜிவால் எச்சரிக்கை விடுத்துள்ளார்.

இதுகுறித்து சென்னை மாநகர காவல்துறை வெளியிட்டுள்ள அறிவிப்பில் கூறப்பட்டுள்ளதாவது. "சென்னை பெருநகர காவல்துறை மத்திய குற்றப்பிரிவு சைபர் கிரைம் மற்றும் கந்துவட்டி தடுப்பு பிரிவு போலீசார் 2021 ஆம் ஆண்டு ஜனவரி மாதம் லோன் ஆப் செயலிகள் மூலம் மக்களுக்கு அதிக வட்டிக்கு பணம் கொடுத்து, பின் தொந்தரவு செய்யும் மோசடி கும்பலை கைது செய்து சிறையிலடைத்தனர்.

மேலும், லோன் செயலிகளை கண்டறிந்து அதனை பிளே ஸ்டோரில் இருந்து நீக்குவதற்கு நடவடிக்கை எடுக்கப்பட்டன. இத்தகைய தீவிர தடுப்பு நடவடிக்கைகளால் குறைந்திருந்த லோன் செயலிகள் தற்போது மீண்டும் பிளே ஸ்டோர் மற்றும் வெப்சைட்டுகளில் பரவலாக அதிகரித்து வருகிறது.

லோன் செயலிகளின் மூலம் கடன் வாங்கும் போது. கடன் பெறுபவருடைய செல்போனில் இருக்கும், தொடர்பு எண்கள், போட்டோ, தனிப்பட்ட விவரங்களை அந்த செயலிகள் சேகரித்து வைத்துக்கொள்ளும். கடன் வாங்கும் தொகையில் ஏறக்குறைய 30 சதவீதம் பணத்தை பிராசஸிங் பீஸ் ஆக பிடித்துக்கொண்டு மீதமுள்ள பணம் லோன் வாங்குபவரின் வங்கி கணக்கிற்கு வரவு வைக்கப்படும்.

இந்த பணத்தை திருப்பி கட்டுவதற்கு 7 நாட்கள் வரை அவகாசம் வழங்கப்படும். உதாரணதிற்கு ரூ5.,000 லோன் அப்ளை செய்யும் பட்சத்தில் ரூ.3500 மட்டுமே லோன் பெறுபவருக்கு கிடைக்கும். ரூ.1500 பிராசஸிங் பீஸாக எடுத்துக்கொள்ளப்படும்.

இந்த பணத்தை திருப்பி கட்டுவதற்கு 7 நாட்கள் வரை அவகாசம் வழங்கப்படும். உதாரணதிற்கு ரூ5.,000 லோன் அப்ளை செய்யும் பட்சத்தில் ரூ.3500 மட்டுமே லோன் பெறுபவருக்கு கிடைக்கும். ரூ.1500 பிராசஸிங் பீஸாக எடுத்துக்கொள்ளப்படும்.