நீட் தேர்வு ஆய்வு குழு.. உறுப்பினர்கள் லிஸ்ட் இதுதான்!

நீட் தேர்வு ஆய்வு குழு.. உறுப்பினர்கள் லிஸ்ட் இதுதான்!

தமிழகத்தில் மருத்துவ மாணவர் சேர்க்கையில் நீட் தேர்வின் தாக்கம் குறித்து ஆய்வு செய்து அறிக்கை சமர்ப்பிக்க ஓய்வு பெற்ற நீதிபதி ஏ.கே.இராஜன் தலைமையில் உயர்நிலைக் குழு அமைத்து முதல்வர் மு.க.ஸ்டாலின் உத்தரவிட்டுள்ளார்.

மருத்துவ மாணவர் சேர்க்கையில் நீட் தேர்வு முறையால் சமூகத்தில் பின் தங்கிய நிலையில் உள்ள மாணவர்களுக்கு கடந்த சில ஆண்டுகளாக பாதிப்பு ஏற்படுத்தியுள்ளதா என்பது குறித்தும், பாதிப்பு ஏற்பட்டிருந்தால் அவற்றை சரிசெய்யும் வகையில் மாற்றாக அனைவரும் பயன்பெறத்தக்க வகையில் மாணவர் சேர்க்கை முறைகளை வகுத்து, அவற்றை நடைமுறைப்படுத்துவதற்கான சாத்தியக்கூறுகள் பற்றியும் ஆய்வு செய்து அரசுக்கு பரிந்துரை வழங்க நீதிபதி ஏ.கே.இராஜன் தலைமையில் உயர்நிலைக் குழு அமைக்கப்படுகிறது.

இக்குழுவில் கல்வியாளர்கள், சம்பந்தப்பட்ட அலுவலர்கள் உள்ளிட்டோர் உறுப்பினர்களாக நியமிக்கப்பட்டுள்ளனர்.

ஓய்வுபெற்ற நீதிபதி ஏ.கே.இராஜன் - குழுத் தலைவர்

மருத்துவ கல்வி இயக்கக கூடுதல் இயக்குநர் - உறுப்பினர்- செயலர்/ஒருங்கிணைப்பாளர்

டாக்டர் ஜி.ஆர்.இரவீந்திரநாத் - உறுப்பினர்

டாக்டர் ஜவஹர் நேசன் - உறுப்பினர்

மக்கள் நல்வாழ்வுத் துறை முதன்மை செயலாளர் - உறுப்பினர்

பள்ளிக் கல்வி துறை முதன்மை செயலாளர் - உறுப்பினர்

சட்டத் துறை செயலாளர் - உறுப்பினர்

மக்கள் நல்வாழ்வுத் துறை முதன்மை செயலாளர்/சிறப்பு பணி அலுவலர் - உறுப்பினர்

மருத்துவ கல்வி இயக்கக இயக்குநர் - உறுப்பினர்

இக்குழு உரிய புள்ளி விவரங்களை ஆய்வு செய்து தமிழகத்தில் பின் தங்கிய மாணவர்களின் நலனை பாதுகாக்க தேவையான பரிந்துரைகளை ஒரு மாத காலத்துக்குள் அரசிடம் சமர்ப்பிக்கும். அதன் அடிப்படையில் அடுத்தகட்ட நடவடிக்கைகளை தமிழக அரசு மேற்கொள்ளும்.