சசிகலா அழைத்தால் சந்திக்க தயார் – புகழேந்தி ஓப்பன் டாக்!
சசிகலா அழைத்தால் அவரை நேரில் சந்திக்கத் தயாராக இருப்பதாக அ.தி.மு.க.,வில் இருந்து நீக்கப்பட்ட புகழேந்தி தெரிவித்துள்ளார்.
அ.தி.மு.க.,வின் கர்நாடக மாநில செயலாளராக இருந்த புகழேந்தி, அண்மையில் அக்கட்சியிலிருந்து நீக்கப்பட்டார். இந்நிலையில், சென்னை தலைமை செயலகத்தில் சபாநாயகர் அப்பாவுவை, இன்று அவர் மரியாதை நிமித்தமாக சந்தித்தார்.
இதன் பின், செய்தியாளர்களிடம் புகழேந்தி பேசியதாவது:
என்னுடன் தொலைக்காட்சி நிகழ்ச்சிகளில் பங்கேற்ற அப்பாவு, தற்போது சபாநாயகராக பொறுப்பேற்றுள்ளார். அவரை சந்தித்து வாழ்த்து தெரிவித்தேன். அ.தி.மு.க., மிகவும் மோசமான நிலையில் உள்ளது. அதனை மீட்டெடுப்பது கடினம்.
சசிகலா அழைத்தால் அவரை நேரில் சந்திக்க தயாராக இருக்கிறேன். அ.தி.மு.க.,வை மீட்டெடுக்க சசிகலாவால் தான் முடியும். டெல்லி சென்ற அ.தி.மு.க., ஒருங்கிணைப்பாளர் ஓ.பன்னீர்செல்வம் மற்றும் இணை ஒருங்கிணைப்பாளர் எடப்பாடி பழனிசாமி இருவரும் மக்கள் பிரச்னைகளுக்காக சென்றிருந்தால் கூட்டணி கட்சி தலைவர்களையும் ஒருங்கிணைத்து சென்றிருக்க வேண்டும். திராவிட இயக்க சிந்தனையில் என்னுடைய செயல்பாடு இருக்கும். எனது முடிவை விரைவில் அறிவிப்பேன்.
இவ்வாறு புகழேந்தி தெரிவித்தார்.
No comments:
Post a Comment