அரசு பேருந்து ஓட்டுனர்களுக்கு தமிழக அரசு புது உத்தரவு!

அரசு பேருந்து ஓட்டுனர்களுக்கு தமிழக அரசு புது உத்தரவு!

அரசு பேருந்து ஓட்டுனர்கள் பணியின் போது மொபைல் போன் பயன்படுத்தக் கூடாது என தமிழக போக்குவரத்துத் துறை அறிவுறுத்தி உள்ளது.

தமிழக போக்குவரத்துத் துறை பேருந்து பயணத்தின் போது, ஓட்டுனர் மற்றும் நடத்துனர் பின்பற்ற வேண்டிய வழிமுறைகளை அறிவித்துள்ளது. அதன்படி, பேருந்து பயணத்தின் போது ஓட்டுனர்கள் கட்டாயமாக மொபைல் போன் பயன்படுத்தக் கூடாது என்று அறிவிக்கப்பட்டுள்ளது. மேலும், ஓட்டுனரின் மொபைல் போனை நடத்துனரிடம் கொடுத்து வைக்கவும் அறிவுறுத்தப்பட்டுள்ளது.ஓட்டுனர் மற்றும் நடத்துனரின் உரிமத்தை கையில் வைத்திருக்க வேண்டும் என்றும், இவற்றை மோட்டார் வாகன ஆய்வாளர்கள் ஆய்வுக்கு வரும் போது காண்பிக்க வேண்டும் என்றும், பெயர் மற்றும் பணி எண்ணுடன் கூடிய பேட்ஜ் கட்டாயமாக அணிந்திருக்க வேண்டும் என்றும் போக்குவரத்துத் துறை தெரிவித்துள்ளது.

போக்குவரத்துத் துறை வெளியிட்டுள்ள இந்த உத்தரவுகளை கட்டாயமாக கடைபிடிக்க வேண்டும் என்றும், இவற்றை மீறுவோர்கள் மீது நடவடிக்கை எடுக்கப்படுவதோடு, இந்த தவறுக்கு அவர்களே பொறுப்பாவார்கள் என்றும் தமிழக போக்குவரத்துத் துறை எச்சரித்துள்ளது.