எஸ்வந்த்பூர்- கொச்சுவேலிக்கு சிறப்பு ரயில் சேலம் வழியாகச் செல்கிறது!

எஸ்வந்த்பூர்- கொச்சுவேலிக்கு சிறப்பு ரயில் சேலம் வழியாகச் செல்கிறது!

சிறப்பு ரயில்களில் எண்ணிக்கையை உயர்த்தி ரயில்வே நிர்வாகம் அறிவித்துள்ளது. அந்த வகையில் கர்நாடக மாநிலம் யஷ்வந்த்பூரிலிருந்து சேலம் வழியாகச் சிறப்பு ரயில் இயக்கப்படுவதாக அறிவிக்கப்பட்டுள்ளது.

அதன்படி யஸ்வந்த்பூர் கொச்சுவேலி வாராந்திர சிறப்பு ரயில் செவ்வாய்க்கிழமை, வியாழக்கிழமை, ஞாயிற்றுக்கிழமை ஆகிய நாட்களில் இயக்கப்படுகிறது.

அதன்படி இன்று முதல் ரயில் இயக்கப்படுவதாக அறிவிக்கப்பட்டுள்ளது. யஸ்வந்த்பூரிலிருந்து இரவு 8. 45 மணிக்குப் புறப்படும் இந்த ரயில் பானஸ்வடி ஓசூர் தர்மபுரி வழியாகச் சேலத்திற்கு அடுத்த நாள் காலை 1. 10 நிமிடத்திற்கு வந்து செல்கிறது.

பின் 2 நிமிடத்தில் புறப்பட்டு ஈரோட்டிற்கு அதிகாலை 2 மணி12 நிமிடத்திற்கும் கோவைக்கு 3 மணி 57 நிமிடத்திற்குப் பாலக்காடு திருச்சூர் எர்ணாகுளம் டவுன் வழியாக கொச்சுவேலிக்கு அடுத்த நாள் மதியம் ஒரு மணி 10 நிமிடத்திற்குச் சென்றடையும்.

மறுமார்க்கத்தில் கொச்சுவேலி எஸ்வந்த்பூர் வாராந்திர சிறப்பு ரயில் புதன், வெள்ளி, திங்கள் கிழமைகளில் இயக்கப்படுகிறது. இதனைப் பயணிகள் பயன்படுத்திக் கொள்ளுமாறு தெற்கு ரயில்வே நிர்வாகம் சார்பில் அறிவிக்கப்பட்டுள்ளது