வருமான வரித்துறை இணையதள கோளாறு: இன்போசிஸ் சி.இ.ஓ.,வுக்கு சம்மன் - TAMIL BOOKS FREE PDF

tamil books and story reading portal

Post Top Ad

Sunday, August 22, 2021

வருமான வரித்துறை இணையதள கோளாறு: இன்போசிஸ் சி.இ.ஓ.,வுக்கு சம்மன்

 வருமான வரித்துறை இணையதள கோளாறு: இன்போசிஸ் சி.இ.ஓ.,வுக்கு சம்மன்

வருமான வரித்துறை இணையதளத்தில் உள்ள கோளாறுகள் சரி செய்யாதது குறித்து, நிதியமைச்சர் நிர்மலா சீதாராமனிடம் விளக்கம் அளிக்கும்படி அதனை வடிவமைத்த இன்போசிஸ் நிறுவனத்தின் சி.இ.ஓ., நாளை விளக்கம் அளிக்கும்படி மத்திய நிதி அமைச்சகம் உத்தரவிட்டு உள்ளது.
வருமான வரித்துறையின் இணையதளம் மறு சீரமைக்கப்பட்டு கடந்த ஜூன் மாதம் 7ம் தேதி தொடங்கி வைக்கப்பட்டது. அந்த இணையதளத்தை இன்போசிஸ் நிறுவனம் மறு வடிவமைத்திருந்தது. இருப்பினும், அதில் பல கோளாறுகள் ஏற்பட்டன.

இது குறித்து பயனாளர்கள், புகைப்படம் எடுத்து சமூக வலைதளத்தில் வெளியிட்டனர். சுயவிவரத்தில் கூடுதல் விவரங்கள் சேர்த்தல், கடவுச்சொல் மாற்றுதல் ஆகியவற்றில் சிக்கலை சந்தித்ததாகவும், இணையதளம் மெதுவாக செயல்படுவதகவும் கூறியிருந்தனர். இது குறித்து, இன்போசிஸ் நிறுவனத்தைச் சேர்ந்த நந்தன் நீலகேணி கவலை தெரிவித்ததுடன் கோளாறு சரி செய்யப்படும் என்று கூறியிருந்தார்.

மத்திய அரசும், அனைத்தும் சரி செய்யப்படும் எனக் கூறியதுடன், இணையதளத்தை பயனாளர்கள் எளிதில் பயன்படுத்தும் வகையில் நடவடிக்கை எடுக்க இன்போசிஸ் நிறுவனத்திற்கு உத்தரவிட்டது. இருப்பினும், தொடர்ந்து புகார்கள் வந்த வண்ணம் உள்ளன.

No comments:

Post a Comment

Post Top Ad