குடிநீர் இணைப்புகள்...2 நாட்கள் அவகாசம் தந்த கலெக்டர்!
குடிநீர் இணைப்புகள் பெறுவதற்கு 2 நாள் அவகாசம் அளித்து கலெக்டர் வெளியிட்டுள்ள அறிவிப்பு தென்காசி மக்களுக்கு மகிழ்ச்சியை அளித்துள்ளது.
தென்காசி மாவட்டத்தில் உள்ள பேரூராட்சிகளில் வீட்டு குடிநீர் இணைப்பு இல்லாத கட்டிடங்களுக்கு புதிய வீட்டு குடிநீர் இணைப்பு வழங்கிட விண்ணப்பங்கள் பெறுவதற்கு 6-1-2022 (வியாழக்கிழமை) மற்றும் 7-1-2022 (வெள்ளிக்கிழமை) ஆகிய இரண்டு நாட்கள் காலை 10 மணி முதல் மாலை 6 மணி வரை சிறப்பு முகாம்கள் சம்பந்தப்பட்ட பேரூராட்சி அலுவலகங்களில் நடைபெறவுள்ளது.
எனவே புதிதாக வீட்டு குடிநீர் இணைப்பு பெற விரும்பும் பயனாளிகள் விண்ணப்பங்களை அவர்கள் வசிக்கும் பகுதியில் உள்ள பேரூராட்சி அலுவலகத்திலோ அல்லது https://tenkasi.nic.in/form-category/town-panchayat-forms/ இணையதளத்திலோ விண்ணப்பத்தினை பதிவிறக்கம் செய்து நடப்பு ஆண்டுக்கு உரிய சொத்து வரி செலுத்தப்பட்ட ரசீது நகல், பதிவு கட்டணம் மற்றும் முன் வைப்புத் தொகைக்கு வரைவோலை ஆகியவற்றை சமர்ப்பித்து பயன்பெறுமாறு தெரிவிக்கப்படுகிறது. இவ்வாறு கலெக்டர் அறிவித்துள்ளார்.
No comments:
Post a Comment