பட்ஜெட் 2022: டாப் 4 முக்கிய எதிர்பார்ப்புகள்!
பட்ஜெட்டில் எதிர்பார்க்கப்படும் நான்கு முக்கிய விஷயங்கள்.
பிப்ரவரி 1ஆம் தேதி மத்திய பட்ஜெட்டை நிதியமைச்சர் நிர்மலா சீதாராமன் தாக்கல் செய்யவுள்ளார். இதில் பொதுமக்கள், தொழில்துறையினர், ஊழியர்கள் என பல தரப்பினரிடையே எதிர்பார்ப்புகள் உள்ளன. எனினும், அதிகபட்சமாக எதிர்பார்க்கப்படும் 4 முக்கிய விஷயங்களை பற்றி பார்க்கலாம்.
வருமான வரி விலக்கு வரம்பு
தற்போது வருமான வரி விலக்கு வரம்பு 2.5 லட்சம் ரூபாயாக உள்ளது. கடைசியாக 2014-15ஆம் ஆண்டில்தான் இந்த வரம்பு நிர்ணயிக்கப்பட்டது. அதன்பிறகு இன்னும் வருமான வரி விலக்கு வரம்பு உயர்த்தப்படவில்லை. இந்நிலையில், இந்தாண்டு வரம்பு உயர்த்தப்படும் என எதிர்பார்க்கப்படுகிறது.
வருமான வரி விகிதாச்சாரம்
வருமான வரி கட்டணத்திற்கான விகிதாச்சாரமும் இந்த முறை திருத்தப்படும் என்பது முக்கிய எதிர்பார்ப்பாக உள்ளது.
சேமிப்புகள்
வருமான வரிச் சட்டப் பிரிவு 80C பல ஆண்டுகளாக இன்னும் மாற்றப்படாமலேயே உள்ளது. சேமிப்புகளுக்கான வட்டி விகிதம் தொடர்ந்து குறைந்து வருகிறது. எனவே, சேமிப்பை ஊக்குவிக்க சலுகைகள் எதிர்பார்க்கப்படுகிறது.
வீட்டுக் கடன் வட்டி
வீடுகளின் விலை உயர்ந்தாலும், வீட்டுக் கடன் வட்டி, அசல் தொகைக்கு கிடைக்கும் வரி விலக்கு வரம்பு பல ஆண்டுகளாக மாற்றப்படாமலேயே உள்ளது. இதை உயர்த்த வேண்டுமென்பது முக்கிய கோரிக்கையாக உள்ளது.
No comments:
Post a Comment