உள்ளாட்சி தேர்தல்: உடைகிறதா அதிமுக -பாஜக கூட்டணி?

உள்ளாட்சி தேர்தல்: உடைகிறதா அதிமுக -பாஜக கூட்டணி?

5666666666666666666666666666666666666

நகர்ப்புற உள்ளாட்சி தேர்தலில் பாஜக தனித்து போட்டியிட திட்டமிட்டு வருவதாக தகவல்கள் வெளியாகி உள்ளன.

தமிழகத்தில் நகர்ப்புற உள்ளாட்சித் தேர்தல் தேதியை ஜனவரி மாத இறுதிக்குள் அறிவிக்க வேண்டும் என்று மாநில தேர்தல் ஆணையத்துக்கு உச்ச நீதிமன்றம் கெடு விதித்துள்ளது.

கொரோனா காரணமாக இந்த தேர்தலை ஒத்திவைக்க உத்தரவிட முடியாது என இதுதொடர்பாக தொடரப்பட்ட வழக்கில் சென்னை உயர் நீதிமன்றமும் இன்று உத்தரவிட்டுள்ளது. இதனையடுத்து, நகர்ப்புற உள்ளாட்சி தேர்தலுக்கான தேதியை தேர்தல் ஆணையம் விரைவில் அறிவிக்கும் என எதிர்பார்க்கப்படுகிறது.

இந்த நிலையில் உள்ளாட்சித் தேர்தலில் பாஜக தனித்துப் போட்டியிட ஆலோசித்து வருவதாக தகவல்கள் வெளியாகி உள்ளன. சென்னை தி.நகரில் உள்ள அக்கட்சியின் மாநில தலைமை அலுவலகமான கமலாயத்தில் நடைபெற்ற தமிழக பாஜகவின் மைய குழு கூட்டத்தில் இதுகுறித்து தீவிரமாக ஆலோசிக்கப்பட்டுள்ளது.

'தமிழகம் முழுவதும் பாஜகவுக்கு மக்களிடம் ஆதரவு பெருகி வருவதை கருத்தில் கொண்டு, நகர்ப்புற உள்ளாட்சி தேர்தலில் போட்டியிட கட்சியினர் ஆர்வமுடன் விருப்ப மனு அளித்துள்ளனர். இவர்களில் பலரும் தனித்து போட்டியிட விருப்பம் தெரிவித்துள்ளனர். திமுகவின் அதிகார பலத்தை எதிர்கொள்ள தயாராக இருப்பதாகவும் அவர்கள் தெரிவித்துள்ளனர்' என்று இந்த கூட்டத்தில் பேசிய நிர்வாகிகள் வெளிப்படையாக கருத்து கூறியுள்ளதாக தெரிகிறது.

உள்ளாட்சித் தேர்தல் தொடர்பாக மைய குழு கூட்டத்தில் விவாதிக்கப்பட்ட விஷயங்கள் குறித்து டில்லி மேலிடத்துக்கு தெரிவிக்கப்படும். தேர்தலில் கூட்டணியா, தனித்து போட்டியா என்பது குறித்து இன்னும் சில நாட்களில் அறிவிக்கப்படும் என்று தமிழக பாஜக வட்டாரங்கள் தெரிவி்க்கின்றன.

தமிழகத்தில் கடந்த ஆண்டு நடைபெற்ற சட்டமன்ற தேர்தலில் அதிமுக கூட்டணியில் 20 இடங்களில் பாஜக போட்டியிட்டது. இதில் 4 இடங்களில் மட்டும் பாஜக வெற்றி பெற்ற நிலையில் தமிழகத்தில் அரசியல் ரீதியான, பொது பிரச்னைகளுக்கு அதிமுகவைவிட பாஜக அதிக அளவில் குரல் கொடுத்து வருகிறது.

இதன் மூலம் திமுக Vs அதிமுக என்றுள்ள அரை நூற்றாண்டு தமிழக அரசியலை திமுக Vs பாஜக என்று மாற்ற அக்கட்சி முயற்சிப்பதாக அரசியல் நோக்கர்கள் கருதுகின்றனர். இந்த நிலையில், நகர்ப்புற உள்ளாட்சி தேர்தலில் தனித்துப் போட்டியிட பாஜக ஆலோசித்து வருவது குறிப்பிட்த்தக்கது.