IPL 2022: ‘ஹார்திக் பாண்டியாவுக்கு மாற்று’…சிங்கப்பூர் வீரரை 8 கோடிக்கு தட்டித்தூக்கிய மும்பை இந்தியன்ஸ்! - TAMIL BOOKS FREE PDF

tamil books and story reading portal

Post Top Ad

Sunday, February 13, 2022

IPL 2022: ‘ஹார்திக் பாண்டியாவுக்கு மாற்று’…சிங்கப்பூர் வீரரை 8 கோடிக்கு தட்டித்தூக்கிய மும்பை இந்தியன்ஸ்!

IPL 2022: ‘ஹார்திக் பாண்டியாவுக்கு மாற்று’…சிங்கப்பூர் வீரரை 8 கோடிக்கு தட்டித்தூக்கிய மும்பை இந்தியன்ஸ்!


ஹார்திக் பாண்டியாவுக்கு மாற்று வீரரை மும்பை இந்தியன்ஸ் தட்டித்தூக்கியுள்ளது.
ஐபிஎல் மெகா ஏலம் நேற்று முன்தினமும், நேற்றும் நடைபெற்றது. இதில் மும்பை இந்தியன்ஸ் அணி தொடக்கத்தில் அமைதி காத்து வந்த நிலையில், கடைசி நேரத்தில் அதிரடியாக செயல்பட்டு முக்கிய வீரர்களை தட்டித்தூக்கியது.
இளம் வீரர்கள்:

முதலில் இளம் வீரர்களை டார்கெட் செய்த மும்பை இந்தியன்ஸ் அணி, தமிழக அணிக்காக விளையாடிய இடது கை சுழற்பந்து வீச்சாளர் சஞ்சய் யாதவை 50 லட்சத்திற்கு வாங்கியது. இதனைத் தொடர்ந்து டேனியல் சாம்ஸ், டைமல் மில்ஸ், திலக் வர்மா, பேசில் தம்பே, முருகன் அஸ்வின் ஆகியோரையும் வாங்கியது. இறுதியில் அர்ஜூன் டெண்டுல்கரையும் வாங்கியது.

முரட்டு ஏலம்:

அடுத்து ஜோப்ரா ஆர்ச்சர் ஏலத்திற்கு வந்தபோது, இவரை வாங்க மும்பை தொடர்ந்து ஆர்வம் காட்டி வந்தது. கடும் போட்டி இருந்த நிலையிலும், மும்பை இந்தியன்ஸ் அணி ஆர்ச்சரை 8 கோடிக்கு தட்டித்தூக்கியது. இவர் காயம் காரணமாக அவதிப்படுவதால், 16ஆவது சீசன் முதல்தான் ஐபிஎலில் பங்கேற்பார். அந்த அணியில் ஏற்கனவே ஜஸ்பரீத் பும்ரா இருக்கிறார். ஆர்ச்சரும் இணைந்துள்ளதால், அந்த அணி பந்துவீச்சில் பலம் மிக்க அணியாக மாறியுள்ளது. இதனால், 16ஆவது சீசனை எதிர்நோக்கி, ரசிகர்கள் இப்போதிருந்தே காத்திருக்கிறார்கள்.


ஹார்திக் பாண்டியாவுக்கு மாற்று:

இதனைத் தொடர்ந்து சிங்கப்பூர் வீரர் டிம் டேவிட்டை மும்பை இந்தியன்ஸ் ஏலம் எடுத்தது. இவருக்கும் கடும் போட்டி நிலவிய நிலையில், மும்பை சிறப்பாக செயல்பட்டு 8.25 கோடிக்கு வாங்கியுள்ளது. இவரால் ஹார்திக் பாண்டியாவைப் போல் அதிரடியாக விளையாட முடியும். பவர் ஹிட்டர் என்பதால்தான், கடும் போட்டி நிலவியது. அவர் முதலில் சிங்கப்பூர் அணிக்காக விளையாடி வந்த நிலையில், தற்போது ஆஸ்திரேலியாவில் குடியேறி, உள்ளூர் தொடர்களில் பங்கேற்று வருகிறார். ஸ்பின்னரும் கூட.

ரசிகர்கள் பாராட்டு:

மும்பை இந்தியன்ஸ் அணி முதலில் அமைதி காத்து வந்த நிலையில், கடைசி நேரத்தில் தரமான வீரர்களை வாங்கியதற்கு ரசிகர்கள் பாராட்டுகளைத் தெரிவித்து வருகின்றனர்.

No comments:

Post a Comment

Post Top Ad